«Հայ Վիրտուոզներ» միջազգային ակադեմիա-փառատոնը «Երաժշտություն հանուն ապագայի» հիմնադրամի բացառիկ կրթամշակութային նախագիծն է՝ 13–22 տարեկան պատանի և երիտասարդ երաժիշտների համար: Ակադեմիայի շրջանակում 10 օր շարունակ Հայաստան ժամանած շուրջ 20 անվանի արտիստներ և պրոֆեսորներ պատանի երաժիշտների համար անցկացնելու են մոտ 300 վարպետության դասեր, ինչպես նաև պանելային քննարկումներ: ​

​

Ակադեմիա-փառատոնի շրջանակում ամեն երեկո տեղի կունենան համերգներ՝ ակադեմիայի մասնակիցների և դասավանդող երաժիշտների մասնակցությամբ՝ ստեղծելով բացառիկ ստեղծագործական երկխոսություն և ամրապնդելով Երևանի դիրքը միջազգային երաժշտական քարտեզում։ Փառատոնը նաև հանդիսանում է Հայաստանի մշակութային դիվանագիտության ու զբոսաշրջության կարևոր խթան՝ միավորելով միջազգային երաժիշտներին, դասական երաժշտության սիրահարներին՝ դարձնելով Հայաստանը արվեստի և մշակույթի կենդանի և ծաղկուն կենտրոն։