Ֆիլիպ Ա. Դրագանովը կմիանա «Հայ Վիրտուոզներ» միջազգային ակադեմիա-փառատոն 2027-ի դասախոսական կազմին

Ուրախ ենք տեղեկացնել, որ շվեյցարացի ջութակահար և դիրիժոր Ֆիլիպ Ա. Դրագանովը կմիանա դիրիժոր Սերգեյ Սմբատյանի «Երաժշտություն հանուն ապագայի» հիմնադրամի կողմից կազմակերպվող «Հայ Վիրտուոզներ» միջազգային ակադեմիա-փառատոնի 2027 թվականի դասախոսական կազմին։
Ֆիլիպ Ա. Դրագանովը միջազգային ճանաչում ունեցող երաժիշտ է, որը ելույթներ է ունեցել Եվրոպայի, Ասիայի և Միացյալ Նահանգների հեղինակավոր համերգասրահներում, այդ թվում՝ Նյու Յորքի Carnegie Hall-ում, Ցյուրիխի Tonhalle-ում և Պեկինի Կատարողական արվեստների ազգային կենտրոնում։
Նրա գործունեության կարևոր ուղղություններից է նաև երիտասարդ երաժիշտների կրթությունն ու մասնագիտական զարգացումը։ Նա ջութակի պրոֆեսոր է Բեռնի արվեստների ակադեմիայում (HKB) և Ցյուրիխի արվեստների համալսարանում (ZHdK), ինչպես նաև պարբերաբար վարպետության դասեր է անցկացնում տարբեր երկրներում՝ կիսվելով իր միջազգային փորձով և գիտելիքներով։
Ֆիլիպ Ա. Դրագանովը երաժշտական կրթություն է ստացել Բեռլինի արվեստների համալսարանում և Նյու Յորքի The Juilliard School-ում։ Նրա գեղարվեստական գործունեությունը ներառում է ինչպես մենակատարային և կամերային կատարումներ, այնպես էլ դիրիժորական նախագծեր։
Ուրախ ենք ողջունել Ֆիլիպ Ա. Դրագանովին մեր դասախոսական կազմում և սպասում նրա մասնակցությանը 2027 թվականի ակադեմիա-փառատոնին։




Comments