«Միշտ կան ավելի մեծ բարձունքներ, որոնց կարելի է հասնել». Մարիամ Սմբատյան

Ինչո՞ւ ընտրեցիր երաժշտությունը որպես քո կյանքի ուղի՝ ի՞նչ է քեզ գրավում այս արվեստում։

Մանկությունից երաժշտության հնչյունները հոգեհարազատ են եղել ինձ։ Երաժշտության շնորհիվ ես արտահայտում եմ իմ զգացմունքներն ու հույզերը։

Որ կոմպոզիտորներ են քեզ համար առավել մոտ ու ազդեցիկ, և ինչու։

Ինձ համար առավել ազդեցիկ և հոգեհարազատ են Չայկիվսկին և Ռախմանինովը, որոնց երաժշտությունը նվագելիս կամ լսելիս մտնում ես մի նոր աշխարհ՝ լի հույզերով և գույներով։

Ի՞նչ նպատակներ և երազանքներ ունես որպես երաժիշտ՝ անձնական և մասնագիտական։

Իմ նպատակներն են կատարելագործել գիտելիքներս և հմտություններս երաժշտական ասպարեզում, ելույթ ունենալ աշխարհահռչակ բեմերում հայտնի նվագախմբերի հետ՝ ներկայացնելով իմ հայրենիքը։

Որո՞նք են այն արժեքները, որոնց հետևում ես քո երաժշտական գործունեության ընթացքում։

Ես կարևորում եմ նվիրումը և աշխատասիրությունը, քանի որ երաժիշտ լինելը միայն տաղանդ չէ, այլ նաև ջանք և եռանդ է պահանջում մեծ հաջողությունների հասնելու համար։

Ինչպե՞ս ես պատկերացնում քո դերը՝ որպես երաժիշտ, մշակույթի և հասարակության մեջ։

Ես ուզում եմ լինել կապող օղակ սերունդների միջև, պահպանելով հայկական երաժշտական ժառանգությունը և սփռել երաժշտական սերը հանրության մեջ։

Ինչպե՞ս է քո երաժշտությունը կարող օգնել կամ ազդել Հայաստանի և հայ մշակույթի զարգացման վրա։ 

Ես կարող եմ իմ կատարումներով ներկայացնել հայ մշակույթը աշխարհին , խթանելով հետաքրքրություն մեր երաժշտության և երկրի նկատմամբ։

Ո՞րն է քո ամենահիմնական ներշնչանքը և մղումը շարունակել սովորել ու զարգանալ երաժշտության ոլորտում։

Ամենահիմնական ներշնչանքը դա սերն է արվեստի հանդեպ և հզոր ցանկությունը կատարելագործվելու, քանի որ չեմ պատկերացնում իմ կյանքն առանձ երաժշտության ։

Ինչպե՞ս դու կբնորոշես արվեստի և երաժշտության կարևորությունը մարդու և հասարակության կյանքում։

Արվեստը սրտի լեզուն է , իսկ երաժշտությունը ՝ նրա շունչը։ Երաժշտությունը շփման մի խորը և իմաստուն արտահայտչամիջոց է։ Այն օգնում է մարդուն ճանաչել ինքն իրեն ՝ բացահայտելով մի նոր հսկայական ճանապարհ դեպի անսահմանություն։

Ո՞ր խնդիրները կամ դժվարությունները ես հանդիպել որպես երիտասարդ երաժիշտ, և ինչպես ես հաղթահարում դրանք։

Ցանկացած դժվարություն և խոչնդոտ հաղթահարում եմ կամքի և աշխատասիրության , նպատակասլացության և կատարելությանը հասնելու շնորհիվ։ 

 Ինչպե՞ս տեսնում ես «Երաժշտություն հանուն ապագայի» հիմնադրամի դերակատարությունը քո և նմանատիպ երիտասարդների համար։

«Երաժշտություն հանուն ապագայի» հիմնադրամը հնարավորություն է տալիս ունենալ բեմական փորձ և հանդես գալ ելույթներով Հայաստանում և արտերկրում, շփվել և ստանալ վարպետության դասեր հայտնի երաժիշտների հետ,ստանալ կրթաթոշակ, անցնել օտար լեզուների դասընթացներ, զարգանալ այցելելով թանգարաններ և տաղանդավոր երաժիշտների համերգներին և իհարկե ձեռք բերել հիանալի ընկերներ։ 

Որտե՞ղ և ինչպես ես տեսնում քո երաժշտական գործունեությունը ապագայում՝ Հայաստանում կամ արտերկրում։

Երաժշտական գործունեությունս ապագայում տեսնում եմ և Հայաստանում, և արտերկրում։

Ինչպե՞ս ես հաղթահարում ստեղծագործական դժվարությունները կամ ներշնչման պակասը։

Ստեղծագործական ճանապարհին լինում են պահեր , երբ ներշնչանքը դադարում է հոսել։ Այդպիսի պահերին ես սովորել եմ ընդունել դադարը ոչ թե որպես հետընթաց , այլ որպես հնարավորություն լռության մեջ ինքս ինձ լսելու և իմ ճանապարհը ավելի մեծ ոգևորությամբ շարունակելու մի պահ։

 Ի՞նչ արժեքներ ես ցանկանում փոխանցել քո կատարումներով կամ ստեղծագործություններով։ 

Ուզում եմ փոխանցել անկեղծություն , բարություն, զգացմունք և սեր երաժշտության հանդեպ։

 Ինչո՞վ ես հետաքրքրվում երաժշտությունից բացի՝ ունե՞ս հոբբի կամ զբաղմունք, որը քեզ ոգեշնչում է։ 

 Ազատ ժամանակ սիրում եմ լսել երաժշտություն , շփվել ընկերներիս հետ և ուսումնասիրել մաթեմատիկա և ֆիզիկա առարկաները։

Ունե՞ս սիրելի կարգախոս կամ ասացվածք, որը քեզ ոգեշնչում է քո կյանքի ճանապարհին:  

«Գագաթնակետ չկա։ Միշտ կան ավելի մեծ բարձունքներ, որոնց կարելի է հասնել»։

Ո՞ր համերգասրահում կամ բեմում կցանկանայիր մի օր ելույթ ունենալ և ինչու հենց այնտեղ։

 Կցանկանայի ելույթ ունենալ Վիեննայի «Musikverein», Նյու Յորքի «Carnegie Hall»,Լոնդոնի «Royal Albert Hall» համերգասրահներում զգալով հանդիսատեսի ջերմությունը և հաճույք ստանալով համերգասրահների գեղեցկությամբ և լիությամբ։Այս համերգասրահներում ելույթ ունենալը արդեն մեծ ձեռքբերում և չափանիշ է ցանկացած երաժշտի համար։

Ո՞ւմ հետ կցանկանայիր նվագել կամ համագործակցել՝ երազանքդ կատարելու դեպքում։

Կուզեի համագործակցել և ելութ ունենալ աշխարհահռչակ երաժիշտներ Դուդամելի, Աուգուստին Հադելիխի, Յո-Յո Մայի, Կլարա Ջումի Կանգի և այլ մեծանուն երաժիշների հետ։

 Ո՞ր երաժշտական ուսումնական հաստատությունում կցանկանայիր շարունակել քո կրթությունը ։

Եվրոպական բարձրագույն երաժշտական ուսումնական հաստատություններից որևիցէ մեկում։