«Երազում եմ ստեղծել իմ անհատական ֆլեյտայի խմբակը». Մերի Դավթյան

- Ինչո՞ւ ընտրեցիր երաժշտությունը որպես քո կյանքի ուղի՝ ի՞նչ է քեզ գրավում այս արվեստում։

- Երաժշտությունը ինձ համար ինքնադրսևորման ձև է, ներաշխարհիս լեզուն։ Այն թույլ է տալիս վերարտադրել հույզերս ու զգացմունքներս, լինել անկեղծ ու բաց ինքս իմ հանդեպ։

- Որ կոմպոզիտորներ են քեզ համար առավել մոտ ու ազդեցիկ, և ինչու։

-Չեմ կարող առանձնացնել կոնկրետ կոմպոզիտորների, բայց ինձ շատ հարազատ է քնարական ոճը, որն  ամբողջությամբ համապատասխանում է իմ 

ներաշխարհին։

- Ի՞նչ նպատակներ և երազանքներ ունես որպես երաժիշտ՝ անձնական և մասնագիտական։

-Երազում եմ դառնալ կայացած երաժիշտ, ստեղծել իմ անհատական ֆլեյտայի խմբակը, որտեղ կզբաղվեմ երեխաների ուսուցմամբ։ Նրանց հետ աշխատելու գաղափարը ինձ շատ է գրավում, իսկ պատկերացումներիցս արդեն իսկ ոգևորվում եմ))

-Որո՞նք են այն արժեքները, որոնց հետևում ես քո երաժշտական գործունեության ընթացքում:

Երաժշտության մեջ ինձ համար ամենամեծ արժեքը անկեղծությունն է։ Երբ անկեղծություն չկա, երաժշտություն էլ 

չկա։ Երաժշտության իմաստն ու խորհուրդը հենց այդ արժեքի մեջ եմ տեսնում։

- Ինչպե՞ս ես պատկերացնում քո դերը՝ որպես երաժիշտ, մշակույթի և հասարակության մեջ։

Իմ դերն ու առաքելությունը համարում եմ փոքրիկների մեջ երաժշտության հանդեպ սիրո և ճիշտ պատկերացումների սերմանումը։

- Ինչպե՞ս է քո երաժշտությունը կարող օգնել կամ ազդել Հայաստանի և հայ մշակույթի զարգացման վրա։ 

-Իմ կատարումներով ուզում եմ տարածել և կենդանի պահել հայկական մշակույթը։

- Ո՞րն է քո ամենահիմնական ներշնչանքը և մղումը շարունակել սովորել ու զարգանալ երաժշտության ոլորտում։

-Իմ հիմնական շարժիչ ուժը իմ երազանքին ձգտումն է ու նրան հասնելու անկոտրում ցանկությունը։

- Ինչպե՞ս դու կբնորոշես արվեստի և երաժշտության կարևորությունը մարդու և հասարակության կյանքում։

-Իմ կարծիքով՝ երաժշտությունը մարդու հոգու դաստիարակն է, և հասարակության մեջ երաժիշտը տարբերվում է իր կիրթ ու դաստիարակված կերպարով։

- Ի՞նչ խնդիրները կամ դժվարությունները ես հանդիպել որպես երիտասարդ երաժիշտ, և ինչպես ես հաղթահարում դրանք։

-Հիմնականում հանդիպող դժվարությունները կապված են կատարողական բարդությունների հետ, որոնք փորձում եմ հաղթահարել աշխատասիրությամբ։

- Ինչպե՞ս տեսնում ես «Երաժշտություն հանուն ապագայի» հիմնադրամի դերակատարությունը քո և նմանատիպ երիտասարդների համար։

-«Երաժշտություն հանուն ապագայի» հիմնադրամը մեծ հնարավորություն է՝ զարգանալու, կրթվելու և փորձ ձեռք բերելու համար։

- Որտե՞ղ և ինչպես ես տեսնում քո երաժշտական գործունեությունը ապագայում՝ Հայաստանում կամ արտերկրում։

-Իմ երաժշտական գործունեությունը ապագայում պատկերացնում եմ Հայաստանում, հատկապես՝ իմ հարազատ Վանաձոր քաղաքում, որտեղ ուզում եմ զարգացնել ֆլեյտայի արվեստը։

- Ինչպե՞ս ես հաղթահարում ստեղծագործական դժվարությունները կամ ներշնչման պակասը։

-Երբ ներքուստ զգում եմ ներշնչանքի պակաս, շատ կարևոր եմ համարում հարազատներիս աջակցությունը։

- Ի՞նչ արժեքներ ես ցանկանում փոխանցել քո կատարումներով կամ ստեղծագործություններով։

-Իմ կատարումներով կցանկանայի փոխանցել այն, ինչի պակասն այսօր շատ կա՝ հույս, ներդաշնակություն և 

ազնվություն։

- Որտե՞ղ և ինչպես ես տեսնում քո երաժշտական գործունեությունը ապագայում՝ Հայաստանում կամ արտերկրում։

-Իմ երաժշտական գործունեությունը ապագայում պատկերացնում եմ Հայաստանում, հատկապես՝ իմ հարազատ Վանաձոր քաղաքում, որտեղ ուզում եմ զարգացնել ֆլեյտայի արվեստը։

- Ինչո՞վ ես հետաքրքրվում երաժշտությունից բացի՝ ունե՞ս հոբբի կամ զբաղմունք, որը քեզ ոգեշնչում է։

-Ազատ ժամանակ սիրում եմ անցկացնել ընտանիքիս անդամների հետ։ Քանի որ օրվա ընթացքում քիչ եմ շփվում նրանց հետ,  ահռելի  կարոտ  է կուտակվում)))

- Ունե՞ս սիրելի կարգախոս կամ ասացվածք, որը քեզ ոգեշնչում է քո կյանքի ճանապարհին:

-Ինձ համար որպես կյանքի կարգախոս է Սոկրատեսի հետևյալ միտքը․ «Նա, ով չի ուզում՝գտնում է պատճառ, իսկ ով ուզում է՝ գտնում է միջոց»։ 

- Ո՞ր համերգասրահում կամ բեմում կցանկանայիր մի օր ելույթ ունենալ և ինչու հենց այնտեղ։

-Կցանկանայի նվագել Կարնեգի հոլում՝ այդ

շքեղ ու հեքիաթային բեմում։ Դա ուղղակի երազանք է…))

- Ո՞ւմ հետ կցանկանայիր նվագել կամ համագործակցել՝ երազանքդ կատարելու դեպքում։

-Կցանկանայի ելույթ ունենալ ֆլեյտահարուհի Ժասմին Չոյի հետ․ նրա ոճը շատ է գրավում

 ինձ։

- Ո՞ր երաժշտական ուսումնական հաստատությունում կցանկանայիր շարունակել քո կրթությունը։

- Հետագայում մտադիր եմ շարունակել կրթությունս Երևանի Կոմիտասի անվան պետական կոնսերվատորիայում։