Ֆագոտահար Ռազմիկ Մկրտչյանն ընդունվել է Hochschule für Musik und Theater Rostock հեղինակավոր երաժշտական հաստատություն

«Հայ Վիրտուոզներ» կրթական և զարգացման ծրագրի կրթաթոշակառու, ֆագոտահար Ռազմիկ Մկրտչյանն ընդունվել է Գերմանիայի հեղինակավոր Hochschule für Musik und Theater Rostock բարձրագույն երաժշտական հաստատության ֆագոտի բաժին, որտեղ իր մասնագիտական կրթությունը կշարունակի պրոֆեսոր David Petersen-ի դասարանում։

Ռազմիկի ընդունելությունը կարևոր ձեռքբերում է, որը վկայում է նրա հետևողական աշխատանքի, նվիրումի և մասնագիտական աճի մասին։ Մենք հպարտ ենք, որ մեր կրթաթոշակառուները շարունակում են ընդլայնել իրենց մասնագիտական ուղին՝ ընդունվելով միջազգային հեղինակավոր կրթական հաստատություններ։

Սրտանց շնորհավորում ենք Ռազմիկին այս կարևոր հաջողության կապակցությամբ և մաղթում ստեղծագործական նոր բարձունքներ և բազմաթիվ նվաճումներ։