«Մատենա»-ն միացել է Հիմնադրամին՝ դառնալով «Ապագայի գործընկեր»

«Մատենա» առաջնորդության և մասնագիտական զարգացման միջազգային դպրոցը միացել է «Երաժշտություն հանուն ապագայի» հիմնադրամին՝ դառնալով «Ապագայի գործընկեր»։

Այս համագործակցությունը միավորում է կրթության, առաջնորդության և արվեստի աշխարհները՝ նպաստելով նոր սերնդի ձևավորմանը, որտեղ երիտասարդ երաժիշտները ոչ միայն զարգացնում են իրենց ստեղծագործական կարողությունները, այլև ձեռք են բերում առաջնորդական մտածողություն և ժամանակակից աշխարհում հաջողելու կարողություններ։