Eleveight AI-ը դարձել է «Երաժշտություն հանուն ապագայի» հիմնադրամի «Ապագայի գործընկեր»
Դիրիժոր Սերգեյ Սմբատյանի հիմնադրած «Երաժշտություն հանուն ապագայի» հիմնադրամին է միացել
Eleveight AI ընկերությունը՝ որպես «Ապագայի գործընկեր»։ Ընկերության կատարած նվիրատվությունն ուղղված է «Հայ Վիրտուոզներ» կրթական և զարգացման ծրագրին՝ նպաստելով երիտասարդ երաժիշտների մասնագիտական աճին, կրթական հնարավորությունների ընդլայնմանը և ստեղծագործական ներուժի բացահայտմանը։
Այս աջակցությունը նոր հնարավորություններ կստեղծի ծրագրի սաների համար՝ շարունակելու իրենց կրթական ուղին, զարգացնելու հմտությունները և քայլեր կատարելու դեպի միջազգային բեմեր։ Այն նաև կարևոր ներդրում է Հայաստանի երաժշտական ապագայի և տաղանդավոր երիտասարդների կայացման գործում։
«Երաժշտություն հանուն ապագայի» հիմնադրամը շնորհակալություն է հայտնում Eleveight AI-ին՝ վստահության, աջակցության և երիտասարդ սերնդի զարգացման գործում ունեցած ներդրման համար։
Eleveight AI-ն ԱԲ գործարան է, որը տրամադրում է արհեստական բանականության համար նախատեսված բարձր արտադրողականությամբ հաշվողական ենթակառուցվածքներ՝ նպաստելով նորարարության և առաջադեմ տեխնոլոգիաների զարգացմանը
Comments