Դաշնակահար Հարություն Ասատրյանը՝ Ոսկե մրցանակակիր

«Երաժշտություն հանուն ապագայի» հիմնադրամի «Հայ Վիրտուոզներ» կրթական և զարգացման ծրագրի կրթաթոշակառու, դաշնակահար Հարություն Ասատրյանը մասնակցել է Ravel Award IMC միջազգային երաժշտական մրցույթին և արժանացել Ոսկե մրցանակի։

Հարությունը սովորում է Երևանի Կոմիտասի անվան պետական կոնսերվատորիայի Գյումրու մասնաճյուղի նախապատրաստական բաժնում, ուսուցիչ՝ ՀՀ արվեստի վաստակավոր գործիչ, պրոֆեսոր Սերգեյ Քեչեկ։

Շնորհավորում ենք մեր շնորհալի Հարությունին՝ մաղթելով նոր ձեռքբերումներ։