Պատանի երաժիշտների շրջայցը Հայաստանի պատմության էջերով

«Երաժշտություն հանուն ապագայի» հիմնադրամի պատանի երաժիշտները այցելել էին Հայաստանի պատմության թանգարան՝ բացահայտելու մեր ժողովրդի հարուստ անցյալը և այն արժեքները, որոնց վրա հիմնված է մեր մշակութային ինքնությունը։ Թանգարանի հետաքրքիր շրջայցի ընթացքում պատանիները հնարավորություն ունեցան մոտիկից ծանոթանալու մեր բազմադարյա պատմությանը, մշակութային ժառանգությանը և արվեստին։

Հիմնադրամը կարևորում է նման մշակութային այցելությունները, որոնք ոչ միայն ընդլայնում են մեր ապագա վիրտուոզների աշխարհայացքը, այլև ձևավորում են նրանց մեջ խորը գիտակցում՝ որքան կարևոր է ճանաչել սեփական մշակութային ժառանգությունը՝ այն շարունակելու և զարգացնելու համար։