Հիմնադրամի պատանի երաժիշտները՝ «Էրեբունի» թանգարանում

«Երաժշտություն հանուն ապագայի» հիմնադրամի պատանի երաժիշտներն այցելել էին «Էրեբունի» պատմահնագիտական արգելոց-թանգարան՝ բացահայտելու մեր պատմական ինքնությունը, հազարավոր տարիների պատմությունն ու մշակութային ակունքները։

Պատանի երաժիշտներն ուշադրությամբ ուսումնասիրում էին մեզ հասած ժառանգությունը՝ վերագտնելով իրենց կապը անցյալի ու մշակույթի հետ։ Այսպիսի այցերն ու փորձառությունները կարևոր դեր ունեն պատանիների բազմակողմանի մտածողության ձևավորման գործում՝  միավորելով երաժշտական կրթությունն ու մշակութային ինքնաճանաչողությունը: