Անտոնիո դի Կրիստոֆանոյի մենահամերգը՝ «Երաժշտություն հանուն ապագայի» հիմնադրամի դաշնակահարների մասնակցությամբ

Դեկտեմբերի 18-ին Խաչատրյանի անվան 13-րդ միջազգային փառատոնի շրջանակում, Արամ Խաչատրյանի տուն-թանգարանում, կայացավ իտալացի դաշնակահար Անտոնիո դի Կրիստոֆանոյի մենահամերգը, որի ընթացքում բեմում ելույթներով հանդես եկան նաև «Երաժշտություն հանուն ապագայի» հիմնադրամի կրթաթոշակառու դաշնակահարները։

Մեր պատանի երաժիշտների համար կարևոր մասնագիտական փորձառություն էր ելույթ ունենալ միջազգային ճանաչում ունեցող դաշնակահարի մենահամերգի շրջանակում։ Համերգի ընթացքում հնչեցին Շոպենի, Շումանի, Բրամսի, Լիստի և Բերգի դաշնամուրային ստեղծագործությունները։ Համերգին նախորդող օրերին Անտոնիո դի Կրիստոֆանոն երեք օր շարունակ վարպետության դասեր էր անցկացրել հիմնադրամի դաշնակահարների համար՝ փոխանցելով արժեքավոր գործնական խորհուրդներ և կատարողական փորձ։

Այս համերգն ու վարպետության դասերը ևս մեկ կարևոր քայլ էին մեր պատանի երաժիշտների մասնագիտական աճի և միջազգային փորձի ճանապարհին։