Ապրիլի 10-ին և 13-ին ժամը 15։00-ից մինչև 18:00-ն Երևանի Պ. Չայկովսկու անվան միջնակարգ երաժշտական մասնագիտական դպրոցի Տատյանա Հայրապետյանի անվան դահլիճում «Երաժշտություն հանուն ապագայի» հիմնադրամի ծրագրի կրթաթոշակառուների համար վարպետության դասեր կանցկացնի հայտնի դաշնակահար Հայկ Մելիքյանը:

Վարպետության դասերը նախատեսված են միայն Հիմնադրամի կրթաթոշակառուների համար:

--

Հայկ Մելիքյանը համաշխարհային ունկնդրի և քննադատների կողմից ճանաչված է որպես Հայաստանի առաջատար երաժիշտներից մեկը, ով 2013 թ. արժանացել է ՀՀ վաստակավոր արտիստի կոչման: Նա բազմաթիվ հայտնի փառատոների հրավիրյալ երաժիշտ է և համագործակցել է այնպիսի հանրահռչակ կոմպոզիտորների հետ, ինչպիսիք են Դյորդ Կուրտագը, Պետերիս Վասկսը, , Ջոնաթան Հարվին և Պիեր Բուլեզը: