Ռազվան Սուման Ռումինիաի ամենանշանակալի մենակատար-թավջութակահարներից մեկն է։ Նա ստացել է բակալավրի և մագիստրոսի աստիճանները Bucharest Music University-ում, ինչպես նաև սովորել է Longy School of Music-ում (Քեմբրիջ, Մասաչուսեթս)՝ «Արտիստ Դիպլոմ» ծրագրի շրջանակում։ Նա մասնակցել է վարպետաց դասերի մեծանուն թավջութակահարներ Արտո Նորասի, Ֆրանս Հելմերսոնի, Հեռե Յան Ստեգենգայի, Միքլոշ Պերենիի, Մարին Կազակուի և Ռադու Ալդուլեսկուի հետ։
Ռազվանը ծնվել է 1977 թվականին Կլուժ-Նապոկայում (Ռումինիա) և մրցանակակիր թավջութակահար է 6 տարեկանում գործիքը ձեռքը վերցնելուց ի վեր՝ 7 տարեկանում (1984) արժանանալով մրցույթի առաջին մրցանակին։ Նա հաղթել է այնպիսի կարևոր միջազգային մրցույթներում, ինչպիսիք են՝ Markneukirchen Competition (Գերմանիա), G. B. Viotti Competition (Իտալիա), Chişinau Competition (Մոլդովայի Հանրապետություն) և Villa de Llanes (Իսպանիա) մրցույթներում։
Նա համերգներ է տվել աշխարհի բազմաթիվ նվագախմբերի հետ՝ Bern Symphony Orchestra, Enescu Philharmonic Orchestra, ERT Greece, Lithuanian State Symphony Orchestra, Kazakh State Symphony Orchestra, Vietnam National Symphony Orchestra և հանդես եկել շատ կարևոր երաժիշտների հետ՝ Մաքսիմ Վենգերով, Ալեքսանդր Սիտկովեցկի, Ռիչարդ Գալիանո, Borromeo քառյակ, Յուստուս Ֆրանց, Յոզեֆ Լենդվայ, Միշա Կաց, Ջին Վանգ, Վեն Սին Յանգ և Մարին Կազակու։
2010 թվականից սկսած՝ Ռազվանը Ռումինիայի Romanian Radio Orchestras նվագախմբի ռեզիդենտ մենակատար թավջութակահարն է և Bucharest Music University-ի թավջութակի պրոֆեսորը։ Նա համերգներ և մենահամերգներ է ունեցել այնպիսի երկրներում, ինչպիսիք են Ֆրանսիան, Գերմանիան, Շվեյցարիան, Իսպանիան, Պորտուգալիան, Ավստրիան, Հունգարիան, Արգենտինան, ԱՄՆ-ն, Մակաոն, Վիետնամը, Չինաստանը, Մարոկկոն և Մոլդովայի Հանրապետությունը։
Նա հրավիրվել է Գերմանիայի Դրեզդեն քաղաքի MDR երաժշտական փառատոնին, Շվեյցարիայի Murten Classics փառատոնին, Ռումինիայի SONORO փառատոնին, Լիտվայի Klaipeda թավջութակի փառատոնին։ Ռազվանը հրավիրվել է նվագելու այնպիսի խոշոր համերգասրահներում, ինչպիսիք են Berlin Philharmonic Hall (Գերմանիա), Bamberg Symphoniker Hall և Wroclaw Muziky Forum (Լեհաստան):
2011 թվականից Ռազվանը ամեն տարի շրջագայություն է իրականացնում Ռումինիայում «Vă place…?» («Do you like…?») նախագծով։ Շրջագայության առաջին թողարկումը՝ «Do you like Bach?» կառուցված էր Բախի «The Six Suites for Unaccompanied Cello» ստեղծագործության շուրջ․ Ռազվանը ներկայացրել է 19 համերգ՝ բոլոր սյուտները հնչեցնելով մեկ համերգային ծրագրում։
Երկրորդ շրջագայությունը նվիրված էր Բրամսին՝ «Do you like Brahms?» խորագրով՝ թավջութակի և դաշնամուրի երկու սոնատաներով, և ներառում էր 13 համերգ։ Հետագա նախագծերն էին «Do you like TANGO?», «Do you like SCHU-bert-mann?»՝ դաշնակահար Հորիա Միհայիլի հետ, և «Do you like BEETHOVEN?»՝ դաշնակահար Դանիել Գոյտիի հետ։Ռազվանը վերանվանեց իր բոլոր անձնական շրջագայությունները մեկ ընդհանուր անվան տակ՝ PlaCello, ստեղծելով PlaCello անսամբլը Ռումինիայի առաջատար թավջութակահարների մասնակցությամբ։
Իսպանացի դաշնակահար Ժոսու Օկինենայի հետ միասին Ռազվանը հիանալի կարիերա է կառուցում որպես դուետ՝ համերգներ տալով աշխարհի լավագույն համերգասրահներում՝ Teatro Colon (Բուենոս Այրես), Kursaal (Սան Սեբաստիան), Auditorio Nacional (Մադրիդ), Romanian Radio Hall (Բուխարեստ), Romanian Atheneum (Բուխարեստ)։ 2007 թվականին նրանք ձայնագրեցին Յ. Բրամսի երկու սոնատները դաշնամուրի և թավջութակի համար, իսկ 2013 թվականին Ռումինիայում ներկայացրեցին “Do you like Brahms?” 13 համերգային շրջագայությունը՝ նույն երկացանկով։
Ռազվանը Ռումինիայում առաջին թավջութակի փառատոնի՝ CellEAST Festival-ի հիմնադիրն ու գեղարվեստական ղեկավարն է։