Տրոմբոնահար Գևորգ Գևորգյանը՝ միջազգային մրցույթների մրցանակակիր

«Հայ Վիրտուոզներ» կրթական և զարգացման ծրագրի կրթաթոշակառու, պատանի տրոմբոնահար Գևորգ Գևորգյանը միջազգային մրցույթներում գրանցել է հաջողություններ՝ արժանանալով պատվավոր մրցանակների։

Գևորգը «Nouvelles Etoiles» միջազգային մրցույթում արժանացել է 3-րդ մրցանակի, իսկ «Փոքրիկ քայլ» միջազգային մրցույթ-փառատոնում՝ 2-րդ մրցանակի։

Նշենք, որ նա սովորում է Երևանի Ստ. Ջրբաշյանի անվան երաժշտական դպրոցում, ուսուցիչ՝ Էդուարդ Երկանյան։

Շնորհավորում ենք Գևորգին այս ձեռքբերումների համար՝ մաղթելով նորանոր հաջողություններ և երաժշտական բարձունքներ։