Մեր կրթաթոշակառուների հաջողությունները՝ «Հայրենիքը, արվեստն ու ես» մրցույթում

«Երաժշտություն հանուն ապագայի» հիմնադրամի կրթաթոշակառուներ՝ ֆլեյտահար Էլլա Մկրտչյանը, սաքսոֆոնահար Դավիթ Պարսամյանը, կլարնետահար Արշավիր Գասպարյանը և դաշնակահար Մարկ Մինասյանը մասնակցել են «Հայրենիքը, արվեստն ու ես» հանրապետական մրցույթ-ստուգատեսին և անցել եզրափակիչ փուլ։

Եզրափակիչ փուլն ու մրցանակաբաշխությունը կայացան «Առնո Բաբաջանյան» համերգասրահում, որտեղ Էլլա Մկրտչյանը արժանացել է Առաջին մրցանակի, Դավիթ Պարսամյանն ու Արշավիր Գասպարյանը արժանացան երկրորդ մրցանակի, իսկ Մարկ Մինասյանը՝ «Լավագույն տիտղոս» կոչմանը։