Դաշնակահար Մհեր Խաչատրյանը՝ միջազգային մրցույթների հաղթող

«Հայ Վիրտուոզներ» ծրագրի մասնակից, դաշնակահար Մհեր Խաչատրյանը Nouvelles Étoiles (Նոր աստղեր) միջազգային մրցույթում արժանացել է 1-ին մրցանակի, իսկ WPTA Italy International Piano Competition միջազգային դաշնամուրային մրցույթում՝ 2-րդ մրցանակի։ Մրցույթում գրանցած հաջողության շնորհիվ նա ստացել է նաև հրավեր՝ որպես հաղթող մասնակցելու WPTA Italy Piano Competition-ի հաղթողների գալա համերգին։

Նշենք, որ Մհեր Խաչատրյանը սովորում է Ա. Չայկովսկու անվան միջնակարգ երաժշտական մասնագիտացված դպրոցում՝ ուսուցիչ Զառա Վարդանյանի դասարանում։

Շնորհավորում ենք Մհերին՝ մաղթելով նոր ստեղծագործական ձեռքբերումներ և հաջողություններ։