ՆՈՐՈՒԹՅՈՒՆՆԵՐ

«Երաժշտություն հանուն ապագայի» հիմնադրամի կրթաթոշակառու, պատանի կլարնետահար Արշավիր Գասպարյանը  մասնակցել է   BTHVN Wien  միջազգային երաժշտական մրցութին (International BTHVN Wien Music Competition 2025) և արժանացել է 1-ին մրցանակի: Շնորհավորում ենք մեր Արշավիրին և սպասում նորանոր հաղթանակների:   Նշենք, որ Արշավիրը սովորում է Երևանի Ստեփան Ջրբաշյանի անվան երաժշտական դպրոցում, ուսուցիչ՝ Արմեն Սահակյան:

«Երաժշտություն հանուն ապագայի» հիմնադրամի կրթաթոշակառու, հարվածային գործիքներ նվագող (մարիմբա) Դավիթ Բաբայանը մասնակցել է «Փոքրիկ քայլ» երաժիշտ-կատարողների միջազգային VI մրցույթ-փառատոնին և «Հարվածային գործիքներ» անվանակարգում արժանացել 1-ին մրցանակի: Դավիթը սովորում է Երևանի Մ․Մալունցյանի անվան արվեստի դպրոցում, ուսուցիչ՝ Միխաիլ Գուլիկեխվաև: Շնորհավորում ենք մեր շնորհալի Դավիթին՝ մաղթելով նոր հաղթանակներ:

Հարվածային գործիքների (մարիմբա) երաժիշտ Գիլյերմո Մասիան անցկացրեց վարպետության դաս՝ մեծ սիրով փոխանցելով իր գիտելիքները, կատարողական տեխնիկան, փորձառությունն ու մասնագիտական նրբությունները մեր պատանի երաժիշտներին։ Նրա յուրաքանչյուր դիտարկում ու խորհուրդ դարձավ նոր ներշնչանք և կարևոր քայլ մեր պատանի երաժիշտների ստեղծագործական աճի ճանապարհին։