Կրտսեր-միջին ֆոնդահայթայթման մասնագետ
Գրասենյակային | Ամբողջ դրույք
«Երաժշտություն հանուն ապագայի» հիմնադրամի մասին
Մեր տեսլականը
Մենք հավատում ենք, որ միայն ապագային ուղղված հայացքն է, որ պարզ «բարեգործության» էությունը վերածում է «ներդրման»:
Մեր առաքելությունը
Մեր առաքելությունն է՝ բացահայտել, կրթել, զարագացնել և աջակցել շնորհալի երաժիշտներին, որոնք կարող են դառնալ միջազգային չափանիշներին համապատասխան երաժիշտներ և մեր երկրի մշակութային դեսպաններն ամբողջ աշխարհում:
Հիմնադրամի՝ «երեխաները մեր ներկան են» հայեցակարգը մարտահրավեր է նետում այն ավանդական գաղափարին, որ երեխաները բացառապես ապագայի կրողներն են, և ընդգծում նրանց նշանակությունը ներկայում՝ այսօր կարևորելով պատանի սերնդի նկատմամբ ունեցած մեր բարձր պատասխանատվությունը:
Որպես այդ գաղափարի կրողներ՝ մենք վստահ ենք, որ էական և վճռորոշ դեր կարող ենք կատարել մեր երեխաների կյանքի հաջողության ձևավորման գործում: Այսօր աջակցելով պատանի տաղանդավոր երաժիշտներին՝ մենք ստեղծում ենք խոստումնալից միջավայր, որին նրանք արժանի են և որտեղ կարող են ծաղկել:
Մենք փնտրում ենք ակտիվ և նպատակասլաց ֆոնդահայթայթման մասնագետի՝ մասնավորապես միջոցառումների կազմակերպման և բիզնեսի զարգացման (վաճառքի) ուղղվածությամբ: Այս մասնագետը կարևոր նշանակություն կունենա մեր դոնորների / ներդրողների բազայի ընդլայնման, խոշոր ֆոնդահայթայթման միջոցառումների պլանավորման և Հիմնադրամի առաքելությունն առաջ մղող նպատակաուղղված գործընկերությունների ստեղծման համար:
1
Հիմնական պարտականությունները.
-
Աջակցել ֆոնդահյթայթման համապարփակ ռազմավարության մշակմանը և իրականացմանը, ներառյալ՝ անհատական նվիրատվություններ / ներդրումներ, կորպորատիվ համագործակցություններ և դրամաշնորհային հայտեր
-
Բացահայտել, ուսումնասիրել և մշակել դոնորների / ներդրողների ներգրավման նոր հեռանկարներ՝ զարգացնելով գործընկերային հարաբերությունները ներկայիս դոնորների / ներդրողների հետ՝ շարունակական աջակցություն ապահովելու համար
-
Պատրաստել պրեզենտացիաներ, առաջարկներ և հաշվետվություններ պոտենցիալ և ներկայիս դոնորների / ներդրողների համար՝ ապահովելով Հիմնադրամի ազդեցության հստակ հաղորդակցումը
-
Պլանավորել, համակարգել և կառավարել ֆոնդահայթայթման միջոցառումները՝ այդ թվում առցանց, աջակիցներին ներգրավելու և Հիմնադրամի համար միջոցներ գտնելու համար
-
Աջակցել պոտենցիալ կորպորատիվ հովանավորների / ներդրողների հետ հարաբերություններ հաստատելուն՝ ստեղծելով հովանավորչական / ներդրումային փաթեթներ, որոնք համահունչ են նրանց նպատակներին և Հիմնադրամի առաքելությանը
-
Խթանել միջոցառման տոմսերի վաճառքը, գործընկերությունը և հովանավորությունը՝ առավելագույն եկամուտ ստանալու համար
2
Պահանջվող որակավորումներ.
-
1-3 տարվա փորձ ֆոնդահայթայթման, միջոցառումների կազմակերպման, վաճառքի կամ հարակից ոլորտում
-
Կազմակերպչական և նախագծերի կառավարման գերազանց հմտություններ՝ միաժամանակ բազմաթիվ առաջադրանքներ կատարելու և վերջնաժամկետներ պահպանելու ունակությամբ
-
Գրավոր և բանավոր հաղորդակցման գերազանց հմտություններ՝ սթորիթելինգի և ազդեցություն ստեղծելու հմտությամբ
-
Հաջողված միջոցառումների պլանավորման և իրականացման կատարված փորձ
-
Ինքնամոտիվացված, մանրուքներին ուշադիր և Հիմնադրամի առաքելությանը նվիրված
-
Դոնորների / ներդրողների կառավարման համակարգերի, CRM ծրագրի կամ միջոցառումների կառավարման գործիքների հետ աշխատելու փորձը կդիտվի որպես առավելություն
-
Ինչպես ինքնուրույն, այնպես էլ թիմային աշխատելու ունակություն
3
Լրացուցիչ տեղեկություններ.
Ընտրված թեկնածուն կաշխատի Հիմնադրամի տնօրենի, մարքեթինգի և նախագծերի թիմերի հետ՝ միաժամանակ ակտիվորեն գտնվելով մեր ֆոնդահայթայթման խորհրդատուի ուղղորդման ներքո: