top of page

Ջութակի վարպետության դասեր Զոհրաբ Թադևոսյանի հետ


Հունիսի 5-ին` ժամը 15։00-18։30-ն, Երևանի Պ. Չայկովսկու անվան միջնակարգ երաժշտական մասնագիտական դպրոցում «Երաժշտություն հանուն ապագայի» հիմնադրամի պատանի երաժիշտների համար վարպետության դասեր կանցկացնի հայտնի հայ/իսպանացի ջութակահար և մանկավարժ Զոհրաբ Թադևոսյանը, որն այս տարի Խաչատրյանի անվան 20-րդ միջազգային մրցույթի ժյուրիի նախագահն է։ Սիրով հրավիրում ենք բոլոր երաժշտական և արվեստի դպրոցների սաներին և ուսուցիչներին ներկա գտնվելու վարպետության դասերին, որոնց ընթացքում հանրահայտ ջութակահար Զոհրաբ Թադևոսյանը կկիսվի պատանի երաժիշտների հետ իր հարուստ փորձով, խորհուրդներով և արժեքավոր գիտելիքներով:


--

Զոհրաբ Թադևոսյանը երկար տարիներ է, ինչ լեգենդար Անա Չումաչենկոյի օգնականն է։ Ջութակ սկսել է սովորել 6 տարեկանից իր առաջին ուսուցչի՝ Լեւոն Զորյանի մոտ։ 13 տարեկանից սովորել է հորեղբոր՝ պրոֆեսոր Էդուարդ Թադևոսյանի մոտ, ով իր հերթին 20-րդ դարի մեծ վիրտուոզ ջութակահար Լեոնիդ Կոգանի աշակերտն էր։ Հաջողակ կարիերայի հասնելուց հետո 2002 թվականին Զոհրաբ Թադևոսյանը տեղափոխվեց Մադրիդ և մինչև 2003 թվականը սովորեց Ռեյնա Սոֆիայի երաժշտական դպրոցում Զախար Բրոնի մոտ։


2003 թվականից ծառայում է որպես Մադրիդի «Ռեալի» թատրոնի նվագախմբի կոնցերտմայստերի օգնական։ Զոհրաբ Թադևոսյանը համարվում է միջազգային երաժշտական-մանկավարժական ասպարեզի կարևոր գործիչ, նա հիմնականում կենտրոնացած է ջութակի մանկավարժության վրա։

Զոհրաբ Թադևոսյանը պարբերաբար հրավիրվում է եվրոպական ամենակարևոր փառատոներին և վարպետության դասերին, 2016 թվականից հրավիրված է ամառային դասընթացի Նագոլդում (Գերմանիա), Մալթայի դասական երաժշտության ակադեմիայում, նաև այնպիսի ակադեմիաներում, ինչպիսիք են Academia Internacional de Musica de Cagliari, Chieti Classica, Swiss International Music, Rheinau և Internationale Sommerakademie Mozarteum-ը Զալցբուրգում:


Նա նաև վարպետության դասեր է անցկացնում իր երաժշտական մենթոր պրոֆ. Անա Չումաչենկոյի հետ, հրավիրյալ արտիստ է Սանտանդերի երաժշտական փառատոնում: Բացի այդ, նա դասավանդում է Ճապոնիայում և պարբերաբար հրավիրվում վարպետության դասեր տալու։ Որպես ժյուրիի անդամ հրավիրվում է ջութակի ամենակարևոր միջազգային մրցույթներին, որոնցից է. Luis Spor ջութակի միջազգային մրցույթը` 2019 Վայմարում, Ջոզեֆ Յոահիմի ջութակի միջազգային մրցույթը` 2021 թվականին Հանովերում:


2010-2020 թվականներին նա աշխատել է որպես պրոֆեսոր Մադրիդի Ռեյնա Սոֆիայի երաժշտական դպրոցում՝ իր երաժշտական մենթոր, լեգենդար պրոֆեսոր Անա Չումաչենկոյի հետ միասին։

Ներկայումս նա վարպետության դասեր է անցկացնում ամբողջ աշխարհում։



62 views0 comments

Comentarios


bottom of page