Պատմում են՝ առանց երաժշտության չեմ քնել. Անահիտ Խիզանցյան

- Կարո՞ղ ես մի փոքր պատմել քո մասին՝ ինչպես առաջին անգամ հետաքրքրվեցիր երաժշտությամբ:

-Պատմում են, որ դեռ մանկուց սիրել եմ երաժշտություն, առանց երաժշտության  չեմ քնել: Երբ մանկապարտեզից գնում էի տատիկիս մոտ՝ երաժշտական դպրոց, ինձ գրավում էին դաշնամուրի հնչյունները, սակայն մեկ օր ես լսեցի ջութակի կախարդական ձայնը, ինձ շատ գրավեց, և որոշեցի նվագել  ջութակ:

- Ինչո՞վ ես սիրում զբաղվել, երբ չես նվագում: Կա՞ որևէ հոբբի կամ զբաղմունք,որը քեզ ուրախություն է պատճառում: Ինչպե՞ս ես սիրում հանգստանալ դասերի կամ երկար պարապմունքներից հետո:

-Երբ հոգնած  եմ լինում, զբաղվում եմ թութակով, որի անունը Կեշա է: Նաև շատ եմ սիրում Պ.Սևակ կարդալ:

- Ունե՞ս սիրելի կարգախոս կամ ասացվածք, որը քեզ ոգեշնչում է քո կյանքի ճանապարհին:

- Երբեք մի հանձնվիր, քայլիր առաջ:

- Ո՞րն է ամենահետաքրքիր կամ սիրելի վայրը, որտեղ երբևէ եղել ես, և ինչո՞վ է այն առանձնահատուկ քեզ համար:

- Ամենահետաքրքիր վայրը Դիլիջան քաղաքն էր՝ իր կախարդական բնությունով, հին պատմական եկեղեցիներով և լճերով:

- Եթե կախարդական ուժ ունենայիր, ո՞րը կլիներ և ինչպե՞ս կօգտագործեիր այն:

-Կօգնեի այն մարդկանց, ովքեր անզոր են և անկարող:

- Որո՞նք են ապագայի քո նպատակներն ու ձգտումները որպես երիտասարդ երաժիշտ: Քո մտքում երազած նախագծեր ունե՞ս։

-Իմ նպատակն է դառնալ լավ մարդ, լինել լավ երաժիշտ, շրջագայել ամբողջ աշխարհով:

- Կարո՞ղ ես նկարագրել «Երաժշտություն հանուն ապագայի» հիմնադրամի դերը քո երաժ

շտական զարգացման մեջ և ինչպես է այն քեզ աջակցում:

-Իմ առաջ բացվեցին լայն դռներ դեպի երաժշտությունը, ծանոթացա լավ մարդկանց հետ, ձեռք բերեցի լավ ընկերներ, սկսեցի ավելի շատ աշխատել և դարձա ավելի բանիմաց:

- Կա որևէ բառ կամ արտահայտություն, որ լավագույնս բնութագրում է քո անհատականությունը և ինչու:

-Իմ հանգստությունը և բարությունը, քանի որ ես սիրում եմ օգնել բոլորին:

- Քո որ հատկանիշն է, քո կարծիքով, օգնել քեզ հաջողություններ գրանցել երաժշտության մեջ և կյանքում:

-Աշխատասիրությունը և հիշողությունը:

- Կա որևէ գիրք կամ ֆիլմ, որը նշանակալի ազդեցություն է ունեցել քո կամ կյանքի հանդեպ քո տեսակետի վրա և ինչու:

-Հարրի Փոթերը՝ լինել խիզախ և պայքարել մինչև վերջ:

- Կա՞ն որոշակի արժեքներ կամ սկզբունքներ, որոնք դու կարևոր ես համարում և որոնք առաջնորդում են քո գործողություններն ու որոշումները:

-Ինձ համար արժեքավոր են ջանասիրությունը, ազնվությունը և նվիրվածությունը:

- Ո՞ր հատկանիշներն ես ամենաշատը գնահատում քո ընկերների և շրջապատող մարդկանց մեջ:

-Անմնացորդ ընկերասիրությունը, շրջապատի բարությունը:

Անահիտ Խիզանցյան 12 տարեկան, ջութակահար Ալեքսանդր Աճեմյանի անվան երաժշտական դպրոց