«Երաժշտություն հանուն ապագայի» հիմնադրամի պատանի երաժիշտներն այցելեցինը hայ նոր գեղանկարչության հիմնադիր Մարտիրոս Սարյանի տուն-թանգարան: Այնտեղ ցուցադրված էին մեծ նկարչի կտավները, անձնական իրերը, նամակներն իր կնոջը:
Հանրահայտ նկարչի կտավները զարգացնում են գեղագիտական նոր ընկալում՝ հնարավորություն տալով հասկանալ, որ արվեստն իրականության սոսկ արտացոլումը չէ. այն պահանջում է նաև երևակայության ազատություն: Հետաքրքիր էր հատկապես Սարյանի «Երեք տարիք» նկարը։ Այն շատ գեղեցիկ էր։ Թվում է, թե երեք տղամարդիկ են պատկերված նկարում, բայց դա հենց Սարյանն էր տարբեր տարիքներում։
Այցի վերջին հատվածում եղանք նկարչի արվեստանոցում, որտեղ ցուցադրված էին նրա նկարչական պարագաները՝ ներկերը, սեղանը, վրձինները ու իր կիսատ թողած աշխատանքներից մեկը, որը նա անվանել էր «Հեքիաթ»:
Comments