Բացահայտելով ավանգարդ արվեստը. այց Երվանդ Քոչարի թանգարան

Հիմնադրամի պատանի երաժիշտները այցելեցին նկարիչ - արձանագործ Երվանդ Քոչարի թանգարան։ Այստեղ ցուցադրված էին «Թիֆլիսյան», «Փարիզյան», «Երևանյան» շրջանների գեղանկար, գրաֆիկ, քանդակ աշխատանքները։

Թանգարան կատարած այցից հետո պատանի երաժիշտները պատկերացում կազմեցին արվեստագետի անցած ողջ ստեղծագործական ճանապարհի մասին։ Թանգարանում ներկայացված էին նաև Ավետիք Իսահակյանի,Կոմիտասի, Արփենիկի և այլ հայտնի մարդկանց դիմանկարները։