ԿՐԹԱԹՈՇԱԿԱՌՈՒ ԳՈՒՐ ՍԱՐԳՍՅԱՆԸ ՄԻՋԱԶԳԱՅԻՆ ՄՐՑՈՒՅԹՈՒՄ ԱՐԺԱՆԱՑԵԼ Է ԱՌԱՋԻՆ ՄՐՑԱՆԱԿԻ
22 Դեկտեմբերի 2021
«Երաժշտություն հանուն ապագայի» հիմնադրամի կրթաթոշակառու, պատանի դաշնակահար Գուր Սարգսյանը ԱՊՀ երկրների 15-րդ Երիտասարդական Դելֆյան խաղերում արժանացել է առաջին մրցանակի:
Գուր Սարգսյանը դարձել է դափնեկիր 14-17 տարիքային խմբում:
Դելֆյան խաղերի նպատակն է երիտասարդ տաղանդների որոնումն ու խրախուսումը, միջազգային ասպարեզում մշակույթի մակարդակի բարձրացումը, համամարդկային արժեքների առաջխաղացումն ու տարածումը մշակույթի միջոցով, համաշխարհային մշակութային ժառանգության պահպանումը:
Նշենք, որ Գուր Սարգսյանը սովորում է Երևանի Ալեքսանդր Սպենդիարյանի անվան երաժշտական մասնագիտական դպրոցում՝ Երևանի պատվավոր մանկավարժ, ուսուցիչ Հասմիկ Հակոբյանի դասարանում։
Շնորհավորում ենք Գուր Սարգսյանին ՝ մաղթելով նրան նորանոր ձեռքբերումներ և նվաճումներ։