«Երաժշտություն հանուն ապագայի» հիմնադրամի կրթաթոշակառու, պատանի տրոմբոնահար Սամվել Դավթյանը դարձել է համառուսաստանյան մանկապատանեկան «Երաժշտական օլիմպոս» մրցույթի դափնեկիր:

Սամվել Դավթյանը դարձել է 1-ին կարգի դափնեկիր «Դասական գործիքներ» անվանակարգում:  

Մրցույթի նպատակն է պայմաններ ստեղծել մասնակիցների ստեղծագործական ինքնադրսևորման համար, հնարավորություն տալ ցուցադրելու իրենց կատարողական հմտությունները։

Նշենք, որ Սամվել Դավթյանը սովորում է Երևանի Սայաթ-Նովայի անվան երաժշտական դպրոցում՝ ուսուցիչ Հովակիմ Փարսադանյանի դասարանում։