ԿՐԹԱԹՈՇԱԿԱՌՈՒ ՏԻԳՐԱՆ ԳԱՍՊԱՐՅԱՆԸ ԴԱՐՁԵԼ Է ՄԻՋԱԶԳԱՅԻՆ ՄՐՑՈՒՅԹԻ ԴԱՓՆԵԿԻՐ
28 Փետրվարի 2023
«Երաժշտություն հանուն ապագայի» հիմնադրամի կրթաթոշակառու, պատանի հոբոյահար Տիգրան Գասպարյանը «Բրավո» փառատոն-մրցույթում դարձել է 1-ին կարգի դափնեկիր
Տիգրան Գասպարյանը մրցել է 14 տարեկանների տարիքային խմբում և դարձել առաջին կարգի դափնեկիր «Գործիքային կատարում» անվանակարգում:
«Բրավո» բազմաժանր փառատոն-մրցույթի նպատակն է տաղանդավոր երեխաների և երիտասարդների որոնումն ու առաջխաղացումը` ցանկանալով մասնակիցներին արժանանալ «Բրավո, արտիստ» երկար սպասված խոսքերին:
Նշենք, որ Տիգրան Գասպարյանը սովորում է Երևանի Ս. Ջրբաշյանի անվան երաժշտական դպրոցում, ուսուցիչ Ռաֆայել Ոսկանյանի դասարանում:
Շնորհավորում ենք Տիգրան Գասպարյանին ՝ մաղթելով նրան նորանոր ձեռքբերումներ և նվաճումներ։