ԿՐԹԱԹՈՇԱԿԱՌՈՒ ԱԻԴԱ ԱՎԱՆԵՍՅԱՆԸ ԴԱՐՁԵԼ Է I ԿԱՐԳԻ ՄՐՑԱՆԱԿԱԿԻՐ
24 Փետրվարի 2022
«Երաժշտություն հանուն ապագայի» հիմնադրամի կրթաթոշակառու, պատանի դաշնակահարուհի Աիդա Ավանեսյանը միջազգային Piano Forum մրցույթում արժանացել է I կարգի մրցանակի:
Աիդա Ավանեսյանն արժանացել է I կարգի մրցանակի «Solo A, Advanced A» անվանակարգում և հրավիրվել ելույթ ունենալու Մեծ Բրիտանիայի Royal Albert Hall-ում կայանալիք փառատոնին։
Նշենք, որ Աիդա Ավանեսյանը սովորում է Երևանի Ալեքսանդր Սպենդիարյանի անվան երաժշտական մասնագիտական դպրոցում՝ ՀՀ վաստակավոր մանկավարժ, ուսուցիչ Կարինե Հարությունյանի դասարանում։
Շնորհավորում ենք Աիդա Ավանեսյանին՝ մաղթելով նրան նորանոր ձեռքբերումներ և նվաճումներ։