Թավջութակի վարպետության դաս Դմիտրի Յաբլոնսկու հետ
14 Հոկտեմբերի 2021
Հոկտեմբերի 15-ին հիմնադրամի կրթաթոշակառուների համար վարպետության դասեր կանցկացնի հայտնի թավջութակահար և դիրիժոր Դմիտրի Յաբլոնսկին։
Հոկտեմբերի 15-ին հիմնադրամի կրթաթոշակառուների համար վարպետության դասեր կանցկացնի հայտնի թավջութակահար Դմիտրի Յաբլոնսկին:
«Երաժշտություն հանուն ապագայի» դասական երաժշտության ակադեմիայի շրջանակներում հոկտեմբերի 15-ին (ուրբաթ), ժամը 11։00-14։00 Պ. Չայկովսկու անվան միջնակարգ երաժշտական մասնագիտական դպրոցի Տատյանա Հայրապետյանի անվան դահլիճում հիմնադրամի կրթաթոշակառուների համար վարպետության դասեր կանցկացնի հայտնի թավջութակահար Դմիտրի Յաբլոնսկին: Միջոցառումն իրականացվում է Մշակույթի աջակցության եվրոպական հիմնադրամի (European Foundation for Support of Culture / EUFSC) աջակցությամբ:
Վարպետության դասերը բաց են ունկնդիրների՝ երաժշտական հաստատությունների սաների համար: Դասերի ընթացքում որպես պասիվ ունկնդիր կարող են ներկա գտնվել նաև այն երեխաները, որոնք չեն հաղթահարել կրթաթոշակի համար հայտարարված մրցույթը։
Վարպետության դասերին մուտքը միայն դիմակներով:
–––
«Գրեմմի» մրցանակի առաջադրված թավջութակահար և դիրիժոր Դմիտրի Յաբլոնսկին Գաբալայի երաժշտական փառատոնի, «Puigcerda» երաժշտական փառատոնի և «Թափառող երաժշտական աստղեր» փառատոնի գեղարվեստական ղեկավարն է։ Նա նաև «Կիևի վիրտուոզներ» սիմֆոնիկ նվագախմբի երաժշտական ղեկավարն է։
2016 թվականի աշնանից ի վեր՝ նա թավջութակ և կամերային երաժշտություն է դասավանդում Թել Ավիվի համալսարանի Բյուխման-Մետայի անվան երաժշտական դպրոցում, իսկ վերջերս նշանակվել է նույն համալսարանի միջազգային հարաբերությունների բաժնի ղեկավարի պաշտոնում: