«Երաժշտություն հանուն ապագայի» հիմնադրամի կրթաթոշակառու, պատանի շեփորահար Միհրան Առաքելյանը մասնակցել է Մշակույթի, ֆոլկլորի, երաժշտության եւ պարի միջազգային ''LES ÉTOILES DE PARIS'' բազմաժանր օնլայն մրցույթ-փառատոնին եւ դարձել Առաջին կարգի դափնեկիր, ինչպես նաեւ արժանացել Ոսկե շքանշանի արտոնագրի: Միհրան Առաքելյանը նաեւ մասնակցել է Մշակույթի, ֆոլկլորի, երաժշտության եւ պարի միջազգային ''WIENER STERNE'' բազմաժանր օնլայն մրցույթ-փառատոնին եւ դարձել Առաջին կարգի դափնեկիր, ինչպես նաեւ արժանացել Ոսկե շքանշանի արտոնագրի:

''LES ÉTOILES DE PARIS'' եւ ''WIENER STERNE'' մրցույց-փառատոններին մասնակցելով՝ պատանիները հնարավորություն են ստանում ներկայացնել իրենց տաղանդն ու ստեղծագործական կարողությունները: Փառատոնների նպատակն է բացահայտել եւ աջակցել տաղանդավոր երիտասարդներին:  

Նշենք, որ Միհրան Առաքելյանը սովորում է ՀՀ ԿԳՄՍՆ Երևանի Ռոմանոս Մելիքյանի անվան պետական երաժշտական քոլեջում և Երևանի Տիգրան Չուխաջյանի անվան երաժշտական դպրոցում։ Նրա ուսուցիչն է Կոլյա Մարտիրոսյանը։